بين الرياض وجدة والدمام وتبوك وأبها، تمشي آلاف السيارات والشاحنات وتريلات الخط السريع كل يوم ومعظم مساحتها فاضية. فلته تحوّل هذي المساحة المهدورة إلى شبكة شحن لامركزية تنقل الشحنة مباشرة بين المدينتين — بدون المرور على مستودعات الفرز التي تضيف أياماً على الطريق.
الشحن بين المدن في السعودية بطيء وغالي، مو لأن الطرق سيئة — الطرق ممتازة — بل لأن النموذج نفسه قديم: شحنتك تروح لمستودع، تنتظر لين تتجمع حمولة كاملة، تتنقل بين فروع، وتوصل بعد أيام.
في نفس اللحظة، فيه شخص مسافر من الرياض لجدة، سيارته شبه فاضية، والطريق اللي بيمشيه هو نفس طريق شحنتك بالضبط. المسافة مقطوعة أصلاً، والوقود مدفوع أصلاً، والانبعاثات صادرة أصلاً.
فلته تربط الاثنين. بدون مستودعات، بدون انتظار حمولة، وبدون أسطول جديد على الطريق.
مبلغ الشحنة يُحجز عند فلته لحظة القبول، وما يوصل الناقل إلا بعد التسليم الفعلي وتأكيده برمز QR. ما وصلت؟ يرجع كامل.
كل ناقل يوثّق هويته الرسمية قبل أول شحنة، والهوية مرتبطة بحساب واحد فقط. تعرف بالضبط مين واقف عند بابك.
شحنتك تنتقل مباشرة من مدينتك إلى مدينة الوجهة دون المرور على مراكز الفرز. والتوصيل المباشر إلى باب المستلم أو إلى الفرع حسب المتاح والأنسب لك. الوصول في نفس اليوم أو اليوم التالي حسب وقت الإيداع وحركة الناقلين.
الرحلة بتصير سواء شحنت معنا أو لا. كل طرد يمشي في شنطة كانت فاضية هو طرد ما احتاج شاحنة جديدة على الطريق.
رؤية المملكة 2030 تستهدف تحويل السعودية إلى مركز لوجستي عالمي، وترفع كفاءة النقل والخدمات. فلته تشتغل على الطبقة اللي دايماً تُترك للأخير: الميل الأخير بين المدن. نرفع كفاءة أصول موجودة أصلاً — سيارات المواطنين والمقيمين — بدل ما نضيف أصولاً جديدة.
المنصة مبنية ومشغّلة محلياً: محرك تسعير رياضي، ضمان مالي، تتبع لحظي، وتوثيق هوية — كلها مكتوبة هنا. فواتيرنا متوافقة مع هيئة الزكاة والضريبة والجمارك، وبياناتنا تتعامل وفق نظام حماية البيانات الشخصية السعودي.
الشبكة تشتغل على المسارات اللي يمشيها الناس فعلاً، وتتوسع مع كل مسافر ينضم.
